ဟ့ၣ်ဆိတၢ်ဖးဃုာ်ဒီးတၢ်ဖးအလံာ်က့လၢပှၤတထီၣ်ဟ့ၣ်တၢ်ဖးဖဲတၢ်ဃုထၢအမုၢ်နံၤတဖၣ်အဂီၢ်တက့ၢ် (Vote Early with an absentee ballot)

လၢမံၣ်နံၣ်စိထၣ်အပူၤ,နတလိၣ်အိၣ်ခိးတုၤလၢတၢ်ဃုထၢအမုၢ်နံၤဘၣ်-ဟ့ၣ်ဆိတၢ်ဖးခီဖျိလံာ်ပရၢတၢးမ့တမ့ၢ်ဖဲနလီၢ်က၀ီၤတၢ်ဃုထၢအ၀ဲၤဒၢးတက့ၢ်.

ဟ့ၣ်ဆိတၢ်ဖးလၢနီၢ်ကစၢ်တက့ၢ်

နဟ့ၣ်တၢ်ဖးခီဖျိတၢ်သူတၢ်ဖးအလံာ်က့လၢပှၤတထီၣ်ဟ့ၣ်တၢ်ဖးဖဲတၢ်ဃုထၢအမုၢ်နံၤတဖၣ်အဂီၢ်ဖဲနလီၢ်က၀ီၤတၢ်ဃုထၢအ၀ဲၤဒၢးစးထီၣ် 46 သီတချုးတၢ်ဃုထၢအမုၢ်နံၤန့ၣ်သ့လီၤ.  

ကွၢ်ဃုဘၣ်နလီၢ်က၀ီၤတၢ်ဃုထၢအ၀ဲၤဒၢးတက့ၢ် 

ဟ့ၣ်ဆိတၢ်ဖးခီဖျိလံာ်ပရၢတၢး

နပတံထီၣ်လၢတၢ်ကဆှၢန့ၢ်နၤဒီးတၢ်ဖးအလံာ်က့လၢပှၤတထီၣ်ဟ့ၣ်တၢ်ဖးဖဲတၢ်ဃုထၢအမုၢ်နံၤတဖၣ်အဂီၢ်တဘ့ၣ်လၢတၢ်ကဆှၢန့ၢ်နၤခီဖျိလံာ်ပရၢတၢးန့ၣ်သ့လီၤ. နဆှၢကဒါက့ၤနလံာ်တၢ်ဖးအက့ဖဲတၢ်ဃုထၢအနံၤန့ၣ်သ့လီၤ. 

တၢ်နဲၣ်ကျဲလၢတၢ်ဟ့ၣ်တၢ်ဖးလၢအဆိခီဖျိလံာ်ပရၢတၢး 

1. ပတံထီၣ်တၢ်ဖးအလံာ်က့လၢတၢ်ဆၢကတီၢ်တခါလၢ်လၢ်လၢဒီတနံၣ်ညါအတီၢ်ပူၤတက့ၢ်. တၢ်ဃုထၢအပဒိၣ်တဖၣ်ကဆှၢန့ၢ်နၤဒီးတၢ်ဟ့ၣ်တၢ်ဖးအပီးအလီတဘျီဖဲတၢ်ဖးအလံာ်က့တဖၣ်မ့ၢ်အိၣ်ထီၣ်အခါန့ၣ်လီၤ. ပတံထီၣ်နတၢ်ဖးအလံာ်က့လၢလီပှာ်ယဲၤအဖီခိၣ်လၢအဲကလံးကျိာ်တက့ၢ်. မ့တမ့ၢ်စဲးကျံးထုးထီၣ်လၢလံာ်က့အက့ၢ်အဂီၢ်လၢအအိၣ်လၢ[ကညီကျိာ်]တဘ့ၣ်တက့ၢ်. 

2. ဖးဘၣ်တၢ်နဲၣ်ကျဲလၢအဟဲဃုာ်ဒီးနတၢ်ဟ့ၣ်တၢ်ဖးအလံာ်က့န့ၣ်လီၤတံၢ်လီၤဆဲးတက့ၢ်. နတၢ်ဖးအလံာ်က့န့ၣ်တၢ်မ့ၢ်တမၤပှဲၤအီၤခဲလၢာ်ဘၣ်န့ၣ်တၢ်တဒွးဃုာ်အီၤဘၣ်.

• ဖးဘၣ်တၢ်နဲၣ်ကျဲလၢအဟဲဃုာ်ဒီးတၢ်ဖးအလံာ်က့(လၢပှၤဟ့ၣ်တၢ်ဖးလၢတဆဲးလီၤမံၤတဖၣ်အဂီၢ်) 
• ဖးဘၣ်တၢ်နဲၣ်ကျဲလၢအဟဲဃုာ်ဒီးတၢ်ဖးအလံာ်က့(လၢပှၤဟ့ၣ်တၢ်ဖးလၢဆဲးလီၤမံၤတဖၣ်အဂီၢ်) 

3. နကလိၣ်ဘၣ်ပှၤအုၣ်သးတဂၤဖဲနဟ့ၣ်တၢ်ဖးဒီးမၤပှဲၤနတၢ်ဖးအလံာ်က့အခါန့ၣ်လီၤ. ပှၤအုၣ်သးန့ၣ်ကဲ U.S. အထံဖိကီၢ်ဖိတဂၤလၢအသးအိၣ်အစှၤကတၢၢ် 18 နံၣ်ဖဲတၢ်ဃုထၢအနံၤမ့တမ့ၢ်လံာ်တီလံာ်မီအပီၢ်ရီတဂၤသ့လီၤ. နပှၤအုၣ်သးအံၤကဘၣ်ဆဲးလီၤစုဆဲးပနီၣ်လၢလံာ်ထၢၣ်အပူၤဒီးရဲၣ်လီၤအ၀ဲသ့ၣ်အအိၣ်ဆိးလီၢ်ကျဲနီၢ်ဂံၢ်န့ၣ်လီၤ.

4.  ဖဲနမ့ၢ်တဆဲးလီၤဘၣ်မံၤလၢတၢ်ကဟ့ၣ်တၢ်ဖးန့ၣ်,နကမၤန့ၢ်တၢ်ဆဲးလီၤမံၤအလံာ်ပတံထီၣ်လၢပီးလီလၢနဒိးန့ၢ်ဘၣ်အကျါန့ၣ်လီၤ. လၢတၢ်ကဆဲးလီၤမံၤအဂီၢ်,ဒုးနဲၣ်ဘၣ်နပှၤအုၣ်သး တၢ်အိၣ်ဆိးလီၢ်ကျဲအတၢ်အၣ်သးတခါတက့ၢ်. နပှၤအုၣ်သးကဘၣ်မၤနီၣ် ID တခါလၢနဒုးနဲၣ်အီၤလၢနစုဆဲးပနီၣ်လၢလံာ်ဒၢအလိၤန့ၣ်လီၤ.  

5. ဖဲတၢ်အံၤမ့ၢ်၀ံၤန့ၣ်,ဆှၢလီၤဘၣ်တၢ်ဖးအလံာ်က့ဒီးလံာ်တကွီၢ်ဒိတဖၣ်တဘျီဃီတက့ၢ်. တၢ်မ့ၢ်ဒိးန့ၢ်နတၢ်ဘၣ်အလံာ်က့ဖဲတၢ်ဃုထၢ၀ံၤအလီၢ်ခံန့ၣ်တၢ်တဒွးဃုာ်နတၢ်ဖးဘၣ်. နဆှၢကဒါက့ၤနတၢ်ဖးအလံာ်က့လၢနနီၢ်ကစၢ်ဆူတၢ်ဃုထၢအ၀ဲၤဒၢးလၢအဆှၢန့ၢ်နၤနတၢ်ဖးအလံာ်က့န့ၣ်တက့ၢ်.  

ကွၢ်ဟုၣ်ဘၣ်နတၢ်ဖးအလံာ်က့လဲၤတုၤဖဲလဲၣ် 

ကယဲၢ်မ့ၢ်တၢ်ဖးအလံာ်က့လၢပှၤတထီၣ်ဟ့ၣ်တၢ်ဖးဖဲတၢ်ဃုထၢအမုၢ်နံၤတဖၣ်အဂီၢ်လၢတၢ်ဒိးန့ၢ်ဘၣ်အီၤဘၣ်ဆၢဘၣ်ကတီၢ်ဒီးတၢ်မၤပှဲၤလံာ်တကွီၢ်ဒိဘၣ်ဘၣ်တဖၣ်တၢ်ကဒွးဃုာ်အီၤန့ၣ်လီၤ. 

လူၤကွၢ်စူၣ်နတၢ်ဖးအလံာ်က့အတၢ်အိၣ်သးတက့ၢ် ဒီးမၤလီၤတံၢ်လၢတၢ်ဒိးန့ၢ်ဘၣ်အီၤဒီးတၢ်ဒွးဃုာ်အီၤတက့ၢ်.