ဆဲးလီၤမံၤလၢတၢ်ကဟ့ၣ်တၢ်ဖးအဂီၢ် (Register to Vote)

မၤလိန့ၢ်မ့ၢ်မတၤဟ့ၣ်တၢ်ဖးသ့လဲၣ်ဒီးမ့ၢ်တၢ်ကဆဲးလီၤမံၤတချုးမ့တမ့ၢ်ဖဲတၢ်ဃုထၢအနံၤဒ်လဲၣ်လၢလံာ်ကဘျံးတဘ့ၣ်အံၤအလိၤတက့ၢ်.

မ့ၢ်မတၤဟ့ၣ်တၢ်ဖးသ့လဲၣ်.

လၢတၢ်ကဟ့ၣ်တၢ်ဖးလၢမံၣ်နံၣ်စိထၣ်အပူၤအဂီၢ်, နကဘၣ်မ့ၢ်  U.S. အထံဖိကီၢ်ဖိတဂၤ, သးနံၣ်အိၣ်အစှၤကတၢၢ် 18 နံၣ်ဖဲတၢ်ဃုထၢအနံၤဒီးမ့ၢ်ပှၤအိၣ်ဆိးလၢမံၣ်နံၣ်စိထၣ်အပူၤလၢအစှၤကတၢၢ် 20 သီန့ၣ်လီၤ. 

အခဲအံၤနတအိၣ်လၢတၢ်ဒုးဃာ်အဖီလာ်မ့ၢ်လၢတၢ်မၤကမၣ်သဲစးကွီၢ်မ့ၣ်အဒိၣ်အမုၢ်အဃိဘၣ်န့ၣ်လီၤ.

နဟ့ၣ်တၢ်ဖးဖဲနအိၣ်လၢတၢ်ကွၢ်ထွဲကဟုကယာ်အဖီလာ်သ့,မ့တမ့ၢ်ဘၣ်လၢစံၣ်ညီၣ်ကွီၢ်တဂၤထုးကွံာ်နခွဲးယာ်လၢနကဟ့ၣ်တၢ်ဖးအခါဘၣ်န့ၣ်လီၤ.

တၢ်ဆဲးလီၤမံၤအတၢ်နဲၣ်ကျဲတဖၣ်

နကဘၣ်ဆဲးလီၤနမံၤလၢတၢ်ကဟ့ၣ်တၢ်ဖးဒီးကတီၢ်အံၤနအိၣ်ဆိးလီၢ်အနီၢ်ဂံၢ်န့ၣ်လီၤ. ဆဲးလီၤမံၤလၢတၢ်ကဟ့ၣ်တၢ်ဖးလၢလီပှာ်ယဲၤအဖီခိၣ်တက့ၢ် မ့တမ့ၢ်စဲးကျံးထုးထီၣ်လံာ်ပတံထီၣ်လၢလံာ်က့အက့ၢ်အဂီၤလၢကညီကျိာ်အပူၤတက့ၢ်. 

နဆဲးလီၤစ့ၢ်ကီးနမံၤဖဲနတၢ်ဟ့ၣ်တၢ်ဖးအလီၢ်ဖဲတၢ်ဃုထၢအနံၤသ့စ့ၢ်ကီးလီၤ. နကဘၣ်ဒုးနဲၣ်နမံၤဒီးနကတီၢ်အံၤအိၣ်ဆိးလီၢ်ကျဲနီၢ်ဂံၢ်အတၢ်အုၣ်သးန့ၣ်လီၤ. 

ဖဲယမ့ၢ်ဆီတလဲယမံၤဒီးသုးကွံာ်ယသးဆူတၢ်လီၢ်အဂၤန့ၣ်မ့ၢ်ယကဘၣ်ဆဲးလီၤမံၤဧါ. 

နကဘၣ်ဆဲးလီၤကဒါနမံၤလၢတၢ်ဆၢကတီၢ်တဘျီလၢ်လၢ်ဖဲနဆီတလဲနအိၣ်ဆိးလီၢ်ကျဲ,ဆီတလဲမံၤမ့တမ့ၢ်တဟ့ၣ်ဘၣ်တၢ်ဖးနီတဘျီလၢအစှၤကတၢၢ်လွံၢ်နံၣ်တၢ်ဆၢကတီၢ်အပူၤန့ၣ်လီၤ. မၤသီထီၣ်က့ၤနတၢ်ဆဲးလီၤမံၤခီဖျိတၢ်မၤပှဲၤတၢ်ဆဲးလီၤမံၤအလံာ်ပတံထီၣ်အသီတဘ့ၣ်န့ၣ်တက့ၢ်. 

How to register on Election Day

လၢတၢ်ကဆဲးလီၤမံၤလၢနတၢ်ဟ့ၣ်တၢ်ဖးအလီၢ်ဖဲတၢ်ဃုထၢအနံၤန့ၣ်,ဟဲစိာ်တၢ်အိၣ်ဆိးလီၢ်ကျဲနီၢ်ဂံၢ်အတၢ်အုၣ်သးလၢတၢ်ရဲၣ်လီၤဃာ်လၢလာ်တခါတက့ၢ်. 

1. ID လၢအအိၣ်ဒီးကတီၢ်အံၤမံၤဒီးအိၣ်ဆိးလီၢ်ကျဲ 

• မံၣ်နံၣ်စိထၣ်ပှၤနီၣ်သိလ့ၣ်အလဲးစ့ၣ်အသးသမူအိၣ်,ပှၤမၤလိသ့ထီၣ်သးအတၢ်ပျဲမ့တမ့ၢ်   ID; မ့တမ့ၢ်တၢ်တူၢ်လိာ်စ့လၢတၢ်သ့ၣ်တဖၣ်အံၤတခါလၢ်လၢ်အဂီၢ်န့ၣ်လီၤ. 
• ဒူၣ်ကလုာ်အ ID ဃုာ်ဒီးမံၤ,အိၣ်ဆိးလီၢ်ကျဲ,တၢ်ဂီၤဒီးစုဆဲးပနီၣ်န့ၣ်လီၤ. 

2. တၢ်ဂီၤ ID ဃုာ်ဒီးလံာ်တဘ့ၣ်လၢအအိၣ်ဒီးနမံၤဒီးအိၣ်ဆိးလီၢ်ကျဲအခဲအံၤ 

တၢ်ဂီၤ ID လၢ်တူၢ်လိာ်အီၤ (ဃုထၢတခါ)
အသးသမူလၢာ်ကွံာ်သ့လီၤ.

• ပှၤနီၣ်သိလ့ၣ်အလဲးစ့ၣ်, ကီၢ်စဲၣ် ID မ့တမ့ၢ်ပှၤမၤလိသ့ထီၣ်သးအတၢ်ပျဲလၢအဘၣ်တၢ်ထုးထီၣ်ဟ့ၣ်အီၤခီဖျိကီၢ်စဲၣ် 
• U.S. အလံာ်ခီကီၢ်
• U.S. သုးမ့တမ့ၢ်သုးဖိလီၢ်လံၤအ ID
• ဒူၣ်ကလုာ်အ ID ဃုာ်ဒီးမံၤ,စုဆဲးပနီၣ်ဒီးတၢ်ဂီၤ  
• မံၣ်နံၣ်စိထၣ်ဖၠၣ်စိမိၤ,ခီလ့ၣ်မ့တမ့ၢ်တၢ်သ့တၢ်ဘၣ်လီၤဆီအခီလ့ၣ်အ ID

လံာ်တီလံာ်မီလၢတၢ်ဟ့ၣ်တၢ်ပျဲ(ဃုထၢတခါ)
တၢ်ဒုးနဲၣ်အီၤလၢအံၣ်လဲးထြီနံးအပီးအလီအလိၤသ့လီၤ. 

• Bill, account or start-of-service statement due or dated within 30 days of the election for:
  
  •  လီတဲစိ, ကွဲၤထံၣ်ဟူ, အ့ထၢၣ်နဲး
  • တၢ်ကမှံၤအကိၤ, ထံဘၣ်အၢဘၣ်သီ, လီမ့ၣ်အူမ့တမ့ၢ်ထံ
  • စ့တၢးစရီမ့တမ့ၢ်ခရဲဒံးအကး
  • တၢ်ဒိးလဲဟံၣ်မ့တမ့ၢ်တၢ်ဘၣ်လိးက့ၤစ့ဆူစ့တၢးအစရီ
• တၢ်အိၣ်တၢ်ဆိးအလီၢ်တၢ်ဒိးလဲမ့တမ့ၢ်တၢ်ဒိးလဲအတၢ်အၢၣ်လီၤလၢအသးသမူအိၣ်တုၤလီၤဖဲတၢ်ဃုထၢအမုၢ်နံၤန့ၣ်လီၤ
• ကတီၢ်အံၤကၠိဖိအလဲအတၢ်ပာ်ဖျါ

3. ပှၤဟ့ၣ်တၢ်ဖးလၢအဆဲးလီၤဃာ်မံၤလၢအတဲလီၤတံၢ်နအိၣ်ဆိးလီၢ်ကျဲနီၢ်ဂံၢ်သ့ 

ပှၤဟ့ၣ်တၢ်ဖးလၢအဆဲးလီၤမံၤတဂၤလၢအအိၣ်လၢနအိၣ်ဆိးလီၢ်ကျဲအပူၤန့ၣ်လဲၤဃုာ်ဒီးနၤဆူတၢ်ဟ့ၣ်တၢ်ဖးအလီၢ်လၢတၢ်ကဆဲးလီၤတၢ်အၢၣ်လီၤတဲလီၤတံၢ်နအိၣ်ဆိးလီၢ်ကျဲန့ၣ်သ့လီၤ. တၢ်အံၤဘၣ်တၢ်သ့ၣ်ညါအီၤဒ်တၢ်အုၣ်ကီၤတဲလီၤတံၢ်တၢ်န့ၣ်လီၤ. ပှၤဟ့ၣ်တၢ်ဖးလၢအဆဲးလီၤမံၤတဂၤအုၣ်ကီၤတဲလီၤတံၢ်တၢ်လၢပှၤဟ့ၣ်တၢ်ဖးဃိးဂၤအဂီၢ်သ့လီၤ. နအုၣ်ကီၤတဲလီၤတံၢ်တၢ်လၢပှၤအဂၤအဂီၢ်ဖဲပှၤအဂၤတဂၤအုၣ်ကီၤတဲလီၤတံၢ်န့ၢ်နၤတၢ်လၢနဂီၢ်အခါန့ၣ်တသ့ဘၣ်. 

4. ခီလ့ၣ်ကၠိဖိလၢအအိၣ်ဒီး ID ဃုာ်ဒီးဟံၣ်ဃီအစရီ 

ခီလ့ၣ်ဒီးဖၠၣ်စိမိၤတဖၣ်ဆှၢန့ၢ်တၢ်ဃုထၢအပဒိၣ်တဖၣ်ဒီးကၠိဖိအဟံၣ်ဃီစရီန့ၣ်လီၤ. ဖဲနမ့ၢ်အိၣ်လၢစရီအပူၤန့ၣ်,ဒုးနဲၣ်နခီလ့ၣ်တၢ်ဂီၤ  ID လၢတၢ်ကမၤ၀ံၤနတၢ်ဆဲးလီၤမံၤအဂီၢ်တတက့ၢ်. 

5. တၢ်ဆဲးလီၤမံၤလၢအသးသမူအိၣ်လၢတၢ်လီၢ်တခါအပူၤ

ဖဲနမ့ၢ်ဆဲးလီၤမံၤလၢတၢ်လီၢ်အပူၤသနာ်က့ဆီတလဲနမံၤမ့တမ့ၢ်သုးအသးလၢတၢ်လီၢ်တခါဃီအပူၤန့ၣ်,နကလိၣ်တဲဘၣ်တၢ်ဃုထၢအစံၣ်ညီၣ်ကွီၢ်ဒီးနမံၤမ့တမ့ၢ်အိၣ်ဆိးလီၢ်ကျဲနီၢ်ဂံၢ်လၢညါတခါန့ၣ်လီၤ. 

6.  တၢ်ဒုးသ့ၣ်ညါလၢတၢ်ဆဲးလီၤမံၤစဲၤခံအဂ့ၢ်

 ဖဲနမ့ၢ်ဆဲးလီၤမံၤလၢတၢ်ကဟ့ၣ်တၢ်ဖးလၢ 20 သီအတီၢ်ပူၤဖဲတၢ်ဃုထၢကဘၣ်န့ၣ်, နကမၤန့ၢ်တၢ်ဒုးသ့ၣ်ညါလၢတၢ်ဆဲးလီၤမံၤစဲၤခံ (Notice of Late Registration) အလံာ်တဘ့ၣ်လၢလံာ်ပရၢတၢးအပူၤလီၤ. ဟဲစိာ်ဃုာ်လံာ်အံၤဒီးနၤဒ်တၢ်အုၣ်သးလၢနအိၣ်ဆိးလီၢ်ကျဲလၢနဆဲးလီၤဃာ်မံၤအဂီၢ်တက့ၢ်.  

7. ပှၤမၤတၢ်ဖိတဂၤလၢအမၤတၢ်လၢတၢ်အိၣ်ဆိးလီၢ်ကျဲအတၢ်သူၣ်ထီၣ်တခါအပူၤ

ဖဲနမ့ၢ်အိၣ်ဆိးလၢတၢ်အိၣ်ဆိးလီၢ်ကျဲအတၢ်သူၣ်ထီၣ်တဖျၢၣ်အပူၤ, ပှၤမၤတၢ်ဖိတဂၤလဲၤဒီးနၤဆူတၢ်ဟ့ၣ်တၢ်ဖးအလီၢ်လၢတၢ်ကမၤလီၤတံၢ်နအိၣ်အလီၢ်အကျဲသ့လီၤ. တၢ်အံၤတၢ်သ့ၣ်ညါအီၤဒ် "တၢ်အုၣ်သးလၢပှၤဂၤအဂီၢ်" န့ၣ်လီၤ. ပှၤမၤတၢ်ဖိတဂၤအုၣ်သးလၢပှၤတဂၤလၢ်လၢ်လၢအကြၢးဘၣ်လၢကဟ့ၣ်တၢ်ဖးလၢအအိၣ်လၢတၢ်သူၣ်ထီၣ်အပူၤအဂီၢ်သ့လီၤ.